ក្រុមហ៊ុនចិននិងជួលដីស្រែប្រាំងពីប្រជាកសិករជាប់ព្រំដែនក្នុងខេត្តតាកែវ ចំនួន៤ពាន់ហិចតា

  តាកែវ ៖ ដីស្រែប្រាំងរបស់ប្រជាពលរដ្ឋខ្មែរ នៅតាមបណ្ដោយព្រំដែនរវាង ខេត្តតាកែវ និងខេត្តអាងយ៉ាងរបស់ប្រទេសវៀតណាម ចំនួន៤ពាន់ហិកតា និង ត្រូវ បានក្រុមហ៊ុនចិនរបស់ក្រុងស៊ាងយ៉ាង ខេត្តហ៊ួប៉ី ជួលដាំស្រូវសម្រាប់ធ្វើការនាំចេញ ទៅប្រទេសចិន។
 ថ្លែងនៅក្នុងពិធីចុះអនុស្សារណៈយោគយល់គ្នា លើគម្រោងវិនិយោគរវាងខេត្ត តាកែវនិងក្រុមហ៊ុនមួយចំនួនរបស់ក្រុងស៊ាងយ៉ាង ខេត្តហ៊ួប៉ី នៅថ្ងៃអាទិត្យ​ម្សិល​មិញ​នេះ អភិបាលរងក្រុងស៊ាងយ៉ាង លោក ហ្សាង តឺហាវ បានអះអាងថា ក្រុម​ហ៊ុន​ចិន​ចំនួន​២គឺក្រុមហ៊ុន ស៊ាងដា ​និង​លីហ្វុង ​និងចុះកិច្ចព្រម​ព្រៀង​ជាមួយ​ភាគី​ក្រុម​ហ៊ុន​ខ្មែរ​ដើម្បី​បង្កើតអាជីវកម្មនៃការចិញ្ចឹមសត្វជ្រូក ដែលមានទឹកប្រាក់ចំនួន១រយលានដុល្លា។ ហើយយើងក៏ចុះកិច្ចព្រមព្រៀងស្តីពីការបង្កើតរួមគ្នា នូវស្ថានីយ៍​ជំនាញ​បច្ចេក​ទេស​កសិកម្ម​ផងដែរ។

     បើតាមលោកអភិបាលរងក្រុងស៊ាងយ៉ាង ខាងក្រុមហ៊ុនចិន​ក៏​និង​បង្កើត​កន្លែង​
ផលិត​ចំណីសត្វ​ និ​ង​កា​រ​នាំ​ចូល​គ្រឿ​ង​យ​ន្ត​កសិ​ក​ម្ម​ ម​ក​ចែក​ចាយ​នៅក្នុងខេត្តតាកែវ​ផង​ដែរ ជាពិសេសក្រុមហ៊ុនរបស់ចិនមួយគឺក្រុមហ៊ុន ឡុង ចាវហ្វូ និងធ្វើការជួលដី​ស្រែ​ប្រាំងពីប្រជាពលរដ្ឋ នៅតាមព្រំដែនចំនួន៤ពាន់ហិកតានដើម្បីដាំស្រូវ ព្រោះ​យើង​មាន​គម្រោង​ក្នុងការនាំស្រូវចេញពី​ខេ​ត្ត​តា​កែវ ​ទៅប្រទេសចិន​ចំនួន​៥ម៉ឺន​តោន​ទៅ១​០​ម៉ឺន​តោន​ក្នុងមួយឆ្នាំ។ 

     ថ្លែងនៅក្នុងឱកាសនោះឯកឧត្តម ឡាយ វណ្ណៈ អភិបាល​ខេត្តតាកែវ​បាន​ចាត់​ទុក​ការវិនិយោគនេះ និងបង្កើតការងារបន្ថែមទៀតជូនប្រជាពលរដ្ឋនៅក្នុងខេត្ត ហើយ​ឯកឧត្តមជឿជាក់ថា ប្រជាកសិករនិងបានទទួលការបង្ហាត់​បង្រៀន​ពីបច្ចេក​ទេស​ថ្មី​លើ​ផ្នែកសិកម្មដែលនិងនាំអោយការធ្វើស្រែ របស់​ប្រ​ជា​ក​សិក​ក្នុ​ងខេ​ត្ត​កាន់​តែ​ទ​ទួ​ល​បាន​ទិន្ន​ផលខ្ពស់ជាពិសេសការជួលដីស្រែប្រាំងរបស់បងប្អូននៅតាមព្រំដែន ៕